Aves , Insectos y demas n'Asturies

domingu, 23 d'avientu de 2012

Osu pardu-Ursus arctos

¡Hola amig@s!nestes feches señalaes faigo un regalu al mio mesmu, y xubo al mamíferu mas grande que tenemos na nuesa tierrina.Un animal que si somos capaces de caltener el so hábitat ye bien probable que lo sigamos teniendo munchos años con nós.
Güei preséntovos al Osu Pardo.
Pa empezar voi dicivos qu'esta en peligru d'Estinción incluyendo penes de cárcel pa la so caza furtiva,que xunto a la estroza del so hábitat natural son los sos peores enemigos.
L'osu pardu tien una esperanza de vida d'unos 25 años,tien unes dimensiones de cerca de dos metros anque la fema ye sensiblemente mas pequena que'l machu.
Habita en zones de monte y ye bien torno al home al que detecta facilmente col so olfatu finisimo.
El so alimentacion ye omnívora, anque ye conocida la so afición polos setos de miel y la captura de los salmones cuando van remontando'l rio pa desovar.
Dizse que'l machu mata les crias de la fema por que se vuelva a poner en celu puestu, esi ye un handicap nel desenvolvimientu de la especie.
Otru detalle mas d'esti gran mamíferu, ye que nos meses d'iviernu envierna y sosprendentemente cuando espierten tán casi intactos de masa muscular, según lleí por cuenta de un potente inhibidor que detien la degradacion de les proteínes.
Aprovecho pa felicitavos a toos les fiestes un abrazu amig@s


domingu, 20 de mayu de 2012

Musaraña común-Crocidura russula


Hola de nuevu,dempués d'un tiempu sumíu vuelvo con una nueva especie y comprometo a nun tardar tantu en pasar por aqui.
Na mio visita al preciosu pueblu de Taramundi,que de por si solo tien mil y unes coses curioses,tamién tien dalgún amiguito mio jejeje.
Pos vamos metenos en tema y güei preséntovos a la Musaraña común (Crocidura russula) un pequeñu rucador de non mas de 6 cm (ensin cuntar la cola) , que podemos atopar n'Asturies en toes los altores y en practicamente tou tipu d'hábitat,anque prefier xeneralmente los montes.
Aliméntase principalmente d'insectos, de pequeños vertebraos,etc
Tien vezos xeneralmente nocherniegos, anque esta n'especial taba a media tarde y bien activa,tantu que pudi fae-y semeyes ensin qu'apenes se diera cuenta de la mio presencia.
Espero que vos guste la entrada.
Un abrazu a toos

llunes, 12 de marzu de 2012

Violeta hirta-Viola hirta

Casi ensin Iviernu averamos a la primavera y con estos díes yá podemos ver vida primaveral.Nun paséu pol conceyu de Candamo,en concretu cerca de la cueva de San Román yá se ven les primeres flores,ente elles les que vos voi a presentar güei.
Violeta hirta (Viola hirta) una pequena pero preciosa flor que llama l'atención al ser bastante gregaria.
Esta flor nun despide nengún golor el contrariu de la Violeta común (Viola odorata).
La so distribución ye por toa Europa en suelos caliares ,nos margenes de montes,carbes especialmente lluminoses.
Dende Marzu a Mayu vamos poder veles en casi toes los altores equí n'Asturies
Espero que vos resulte interesante.
Un saludu

sábadu, 26 de noviembre de 2011

Ánade rabudu-Anas acuta


Hola amig@s,supongo que naide entá púnxose abrigu,yá tamos casi n'Avientu y el tiempu sigue sele,salvu por dalguna xelada puntual,esta siendo una Seronda demasiada calorosu.
Revisando semeyes que tenia nel arquivu atopé un par de semeyes de la especie que vos presento güei.
Güei voivos falar del Ánade rabudu(Anas acuta) que ye un coríu mas estilizado que'l restu de la so familia,destaca la cola del machu que ye allongada anque nun se ve perbién la semeya.
He de reconocer que siempres me gustaron los ánades,este ye unu de los mios favoritos,el machu tien un colores preciosu y elegante, la fema con el color pardu ye la mas guapes de tola so familia de anátidas.
El ánade rabudu mide unos 70 cm y pesa casi un quilu.Habita en güelgues que s'alimenta de plantes pequenos organismos y animales acuáticos.
Ye una ave migratoria,que nos suel llegar del norte d'Europa pel hibiernu,y dende el norte tiende a migrar peles zones costeres.
Equí en Asturies podemos ver en munchos sitios, nun ye difícil ve-yos.
La diferencia ente'l machu y la fema,con colores mas apagaos de la fema,ye porque esta peracaba ye la que s'encarga de los pollos,y precisa pasar lo mas desapercibida posible.El machu tener llamativos xusto polo contrario.
Un abrazu amig@s


miércoles, 23 de noviembre de 2011

Mosca Escorpión-Panorpa communis



Bien bones a toos y a toes,nuevamente toi equí pa presentavos a un nuevu ser vivu.Nun acaba de llegar el tostó a la nuesa quería Asturies,de siguir coles mesmes, ensin que nieve, vamos pasalo mal con respectu a l'agua,esperemos que vaya entrando un pocu'l tostó y la nieve nel monte que ye lo que toca.
Mentanto siguimos con un blogue primaveral... a espera de mas tostó.
Asina que güei voi presentavos a la Mosca escorpión-Panorpa communis.una mosca d'unos 2 cm que destaca pol gonopodio (órganu sexual masculín) que tien forma d'aguyón d'escorpión,como vemos na semeya de riba en color coloráu.La fema nun la tien y tien un final apuntiáu nel abdome.
Habita practicamente en tolos tipos d'hábitat, anque los suelu atopar en zones húmedes cerca de ríos.
El so alimentacion ye de néctar y la rosada del miel que segreguen los pulgones y amás d'insectos muertos como vemos na segunda semeya.
La so distribución ye en toa Europa, equí na nuesa tierra ye bien senciellu velos, claro esta que nun ye la cosa mas bella que podamos atopar,a la mio personalmente gústame ver elegante como na primer semeya, anque se que nun va tener munchos fans
Pa rematar ye un insectu bastante bono de fotografiar,ye formal quédase quietin y posa, solo falta que te d'un abrazu cuando acabes.
Un saludu pa toos  y a toes

sábadu, 12 de noviembre de 2011

Sortijitas-Aphantopus hyperantus

Siguimos recordando la primavera nuna visita al altu monte,lo bono del altu monte ye que camuda radicalmente lo que tamos acostumaos a ver, colo que'l camudar d'altor a los que nos gusta la naturaleza ábresenos un mundu nuevu.
Güei voivos falar de Sortijitas(Aphantopus  hyperantus) una camparina atopada nel altu monte anque tamién ye posible atopala na zona central d'Asturies a menos altor.
La vida de la camparina ye daqué curtia, dende Mayu hasta Agostu,habita en praderías y yo siquier siempres les vi solitaries,y que nun suelen quedase enforma tiempu na mesma flor.
Pa la so fotografía la verdá que nun tuvi munches oportunidaes,asina que nun voi falar de daqué que non se,lo único qu'esta se me quedaría ende unos 10 segundos y depués foise hasta fora de la mio vista.
Un saludu compis 

miércoles, 9 de noviembre de 2011

Abeyera-Ophrys apifera

Un día mas, a pesar de nun ser primavera gusta recordámela, tamos a la espera de qu'envierne y qu'empiece haber aves migratories y mentanto,convídovos a conocer una flor preciosa, l'abeyera(Ophrys apifera)
L'abeyera ye una flor preciosa, que se ve tremada pelos praos Asturianos ,mide de 20 a 40 cm,crez dende abril hasta xunu y ye abondo común en practicamente toa Asturies.
Envierna con una roseta de fueyes verdes  y nun floria cada añu.
Lleí nun llibru qu'a falta d'abeyes apropiaes pa la polinizarlas,facer elles soles, dempués del floriamientu, cuelguen bolsitas de polen que s'inclinen hasta llegar al estigma.Esto que nun lo conocía paezme sorprendente.
P'acabar un par de coses, tener curiáu de nun triales yá que tán metíes ente la vexetación y ye complicáu dacuando veles,asi que si vamos al campu, muchisima atención, yá que onde menos imaxinamos podemos tener esta maravía.
Y de cara a la so fotografía, al ser una flor,puede faese ensin priesa,dependemos un pocu de la lluz, pero válennos munchos oxetivos